(દમણગંગા ટાઇમ્સ પ્રતિનિધિ)

દમણ, તા. ૨૮ ઃ નેશનલ ઇન્સ્ટિટ્યૂટ ઓફ ફેશન ટેકનોલોજી (ફત્જ્વ્), દમણ ૨૮ મે ૨૦૨૫ ના રોજ ગ્રેજ્યુઍશન શોનું આયોજન કરી રહી છે. આપ્રસંગે, ફેશન મેનેજમેન્ટ (પ્જ્પ્) ના બીજા બેચના ૨૯ વિદ્યાર્થીઓ તેમની ડિગ્રી પૂર્ણ કરશે અને સંસ્થામાંથી સ્નાતક થશે. આ દિવસ વિદ્યાર્થીઓના જીવનમાં ખૂબ જ મહત્વપૂર્ણ છે, જ્યારે તેઓ પોતાની મહેનત અને સમર્પણ દ્વારા શિક્ષણની આ મહત્વપૂર્ણ યાત્રા પૂર્ણ કરે છે.આ શોમાં વિદ્યાર્થીઓ દ્વારા તેમના અંતિમ સેમેસ્ટર દરમિયાન વિવિધ પ્રતિષ્ઠિત ઉદ્યોગોમાં ઇન્ટર્નશિપ દરમિયાન કરવામાં આવેલા પ્રોજેક્ટ્સ અને કાર્યનું પ્રદર્શન કરવામાં આવશે. આ પ્રદર્શન ફક્ત વિદ્યાર્થીઓની પ્રતિભા દર્શાવશે જ નહીં પરંતુ ઉદ્યોગને તેમના કૌશલ્યોથી પરિચિત થવાની તક પણ પૂરી પાડશે. આ ખાસ પ્રસંગે વિવિધ ફેશન, રિટેલ અને મેનેજમેન્ટ ઉદ્યોગોના પ્રતિનિધિઓ પણ હાજર રહેશે, જેઓ વિદ્યાર્થીઓને પ્રોત્સાહિત કરશે અને ઉદ્યોગમાં જોડાવા માટે માર્ગદર્શન આપશે.

આ સિદ્ધિ પર ખુશી વ્યક્ત કરતા કેમ્પસ ડિરેક્ટર ડૉ. સંદીપ સચાને જણાવ્યું હતું કે, વિદ્યાર્થીઓની મહેનત, સમર્પણ અને પ્રતિબદ્ધતાનું પરિણામ છે કે તેઓ આજે આ સ્થાન પર પહોંચ્યા છે. સંસ્થા તેમને માત્ર શૈક્ષણિક શ્રેષ્ઠતા જ પ્રદાન કરતી નથી પરંતુ વ્યાવસાયિક વિશ્વ માટે પણ તૈયાર કરે છે.ૅ નોંધનીય છે કે ફત્જ્વ્ દમણ કેમ્પસની સ્થાપના ઓગસ્ટ ૨૦૨૨ માં કેન્દ્રશાસિત પ્રદેશ વહીવટીતંત્રના સહયોગથી કરવામાં આવી હતી. 

સ્થાપનાના ટૂંકા ગાળામાં, સંસ્થાઍ શિક્ષણ, નવીનતા અને ઉદ્યોગ સાથે જોડાણના ક્ષેત્રમાં નોંધપાત્ર સિદ્ધિઓ હાંસલ કરી છે.