(દમણગંગા ટાઇમ્સ પ્રતિનિધિ)

બીલીમોરા,તા.૧૭ઃ અમલસાડ નજીક સરીબુજરંગ ગામે સોમવાર રાત્રે તસ્કરોઍ જૈન દેરાસર, બાલાજી મંદિર, તુંમ્બા માતા મંદિર, અગનદેવી મંદિર, હેલી ફૂટવેર, અજીત જનરલ સ્ટોર સહિત ૭ સ્થળો ઍ તાળાં તોડી કસબ અજમાવતા ચકચાર મચી હતી. બે મંદિરની દાનપેટીમાંથી અંદાજીત રૂ.૨૫ હજાર જેટલી રકમ ચોરી કરી ગયા હતા. પોલીસે સીસીટીવી ફૂટેજ આધારે તપાસ હાથ ધરી હતી.

અમલસાડ નજીક સરીબુજરંગ ગામે સોમવાર રાત્રે તસ્કરોઍ કસબ અજમાવ્યો હતો. જેમાં કોળીવાડ સ્થિત તુંમ્બા માતા મંદિરનું તાળું તોડી, મંદિરમાં પ્રવેશી દાનપેટી તોડી અંદાજીત રૂ. ૨૦ થી ૨૫ હજારની રકમ ચોરી કરી હતી. સ્થાનિકોનાં મતે હમણાં જ ઍનઆરઆઈ પરીવારે દાનપેટીમાં દાન કર્યું હતું. જે બાદ કુંભારવાડ સ્થિત અગનદેવી મંદિરના તાળાં તોડી દાનપેટી માંથી રૂ.૪ થી ૫ હજાર જેટલી રકમ ચોરી કરી ગયા હતા. બાલાજી મહોલ્લા માં બાલાજી મંદિરના તાળાં તૂટ્યા હતા. આ ઉપરાંત અમલસાડ શ્રી શાંતિનાથ ભગવાન જૈન દેરાસરનાં મુખ્ય પ્રવેશદ્રાર અને ઓરડાના તાળા તૂટ્યા હતા. જે બાદ કિરણભાઈ ઠક્કરની અજીત જનરલ સ્ટોર તોડવાનો નિષ્ફળ પ્રયાસ કર્યો હતો. જે બાદ જગદીશ ચાંપાનેરીની હેલી ફૂટવેરનું શટર તોડી પ્રવેશવાનો પ્રયાસ અંદર કાચના દરવાજાને કારણે વિફળ રહ્ના હતો. આ અગાઉ હિદાયતુલા સોસાયટીમાં રીક્ષાની ડીકી તોડવા પ્રયાસ કરાયો હતો. આમ ઍક રાતમાં ઍક સાથે સાત સ્થળોઍ તસ્કરે હાથ ફેરો કરવાનો પ્રયાસ કર્યો હતો. જોકે સમગ્ર મામલે સોમવાર સાંજ સુધીમાં કોઈ ફરીયાદ નોંધાવા પામી નથી. બીજી તરફ પોલીસે ઘટના સ્થળે સીસીટીવી ફૂટેજ આધારે તપાસ હાથ ધરી હતી અને તસ્કરોનું પગેરું શોધવાની કવાયત હાથ ધરી હતી.