(દમણગંગા ટાઈમ્સ પ્રતિનિધિ)

દમણ, તા.૨૦ ઃ કેન્દ્રશાસિત પ્રદેશ દમણમાં ૧૫ વર્ષના તરૂણે ૨૭ વર્ષના યુવકની હત્યા કરી નાખી. ૧૫ વર્ષનો આરોપી દમણની ઍક સ્કૂલનો વિદ્યાર્થી છે. આ ઘટના ઘેલવાડ વિસ્તારની ચીકુવાડીની છે. મંગળવારે રાત્રે લગભગ ૧૦ વાગ્યે નઈમ ખાન (૨૭ વર્ષ) કામ પરથી ઘરે પરત ફર્યો હતો. આ જ ચાલમાં રહેતા ૧૫ વર્ષના યુવકે કપડા કાપવાની કાતર વડે હુમલો કર્યો હતો. નઈમ ખાનને પેટ ગરદન અને અન્ય ભાગોમાં વારંવાર હુમલો કરવામાં આવ્યા હતાં. જેના કારણે તે ગંભીર રીતે ઘાયલ થયો હતો. ત્યારબાદ ઘટનાની જાણ થતાં જ આસપાસના લોકોઍ ૧૦૮ અને પોલીસને જાણ કરી હતી. હોસ્પિટલ પહોંચતા જ ડોક્ટરે નઈમ ખાનને મૃત જાહેર કર્યો હતો.

સૂત્રોઍ જણાવ્યું કે નઈમ ખાન રૂમની આસપાસ આવતા લોકો પર કંઈક ટિપ્પણી કરતો હતો અને તે આરોપી અને તેની માતા પર પણ ટિપ્પણી કરતો હતો. આ બાબતે ચાલ માલિકે પણ થોડા દિવસ પહેલા નઇમને સમજાવ્યો હતો. ઔદ્યોગિક વિસ્તરણને કારણે પ્રાંતોમાં ગુનાખોરીના બનાવોમાં વધારો થઈ રહ્ના છે જે વહીવટીતંત્ર માટે ચિંતાનો વિષય છે. પોલીસે આરોપીની ધરપકડ કરી છે જેને જુવેનાઈલ કોર્ટમાં રજૂ કરવામાં આવશે.