(દમણગંગા ટાઈમ્સ પ્રતિનિધિ)

પારડી, તા.૨૦ ઃ પારડી આર્ટસ ઍન્ડ કોમર્સ કોલેજની વિદ્યાર્થીની સાથે દુષ્કર્મ કરી હત્યા કરવામાં આવતા મૃત્યુને લઇ કોલેજ પરિવારે શ્રદ્ધાંજલિ અર્પણ કરી શોક વ્યક્ત કર્યો છે. યુવતી સાથે દુષ્કર્મ-હત્યા કરેલ નરાધમ વહેલી તકે પકડાઈ અને તેને કડકમાં કડક સજા થાય તેવી માંગ કરી છે. પારડી જે.પી. પારડીવાલા આર્ટસ ઍન્ડ કોમર્સ કોલેજ ખાતે અભ્યાસ કરતી મોતીવાડા ગામની વિદ્યાર્થીની કે જેની તાજેતરમાં દુષ્કર્મ અને હત્યાનો ભોગ બની હતી ઍના મૃત્યુને પગલે કોલેજમાં કોલેજના ટ્રસ્ટી, પ્રાધ્યાપકો, વિદ્યાર્થીઓ દ્વારા ૨ મિનીટનું મૌન પાડી શ્રદ્ધાંજલિ આપવામાં આવી હતી. મૃતક વિદ્યાર્થીની યુવતી કોલેજમાં વિવિધ રંગોળી, મહેંદી સ્પર્ધા સાથે અને સ્પર્ધામાં ભાગ લઈ અભ્યાસમાં સુંદર પરિણામ લાવતી હતી. અચાનક વિદ્યાર્થીનીના મૃત્યુને લઇ કોલેજમાં શોકની લાગણી છવાઈ ગઈ છે.  કોલેજ પરિવાર દ્વારા વિદ્યાર્થીનીને શ્રદ્ધાંજલિ અર્પણ કરી યુવતી સાથે અજાણ્યા ઈસમે દુષ્કર્મ અને હત્યા કરતા નરાધમ વહેલી તકે પકડાઈ અને તેને કડકમાં કડક સજા થાય તેવી માંગ કરી છે.