(દમણગંગા ટાઇમ્સ પ્રતિનિધિ)

સેલવાસ, તા.૨૦ઃ સેલવાસ પીપરિયા બ્રિજ ઉપર આજે ઍક સાઈકલ સવાર વ્યક્તિને અજાણ્યા ટ્રક ચાલકે અડફેટે લીધો હતો. જેમાં સાઈકલ સવાર વ્યક્તિનું ઘટના સ્થળ ઉપર જ મૃત્યુ થયું હતું.

મળતી માહિતી મુજબ સાઈકલ સવાર વ્યકિત બ્રિજ પરથી પોતાના સંબંધીને ટીફીન આપવા માટે સેલવાસ તરફ જતો હતો. ત્યારે કોઈ અજાણ્યા ટ્રક ચાલકે અડફેટે લીધો હતો. જેમાં સાઈકલ સવારનું ઘટના સ્થળે મૃત્યુ થયું હતું. અજાણ્યો ટ્રક ચાલક ઘટના સ્થળેથી ભાગી ગયો હતો. ઘટનાની જાણ થતાં જ પોલીસ ઘટના સ્થળે પહોંચી અને વધુ તપાસ શરૂ કરી છે. પોલીસ દ્વારા મૃતકની ઓળખ કરવામાં આવી છે. મરનાર વ્યક્તિ મૂળ બિહારનો ૪૦ વર્ષીય ઉપેન્દ્ર રઝક તરીકે ઓળખ થઈ હતી. આ ઘટનામાં પોલીસ આગળની કાર્યવાહી કરી રહી છે. આ બ્રિજ પર અગાઉ પણ આવા અકસ્માતોની ઘટનાઓ ઘટી ચૂકી છે. જેને કારણે આ માર્ગ માટે યોગ્ય સુરક્ષા પગલાં ભરવાની માંગ ઉઠી રહી છે.