(દમણગંગા ટાઈમ્સ પ્રતિનિધિ)

વલસાડ, તા.૧૫ ઃ ધરતી આબા ભગવાન બિરસા મુંડાની ૧૫૧મી જન્મજયંતિ નિમિત્તે આયોજિત જનજાતીય ગૌરવ સાહની ઉજવણી અંતર્ગત વલસાડ જિલ્લાના કપરાડા વિધાનસભા બેઠકના ધારાસભ્ય જીતુભાઈ ચૌધરીની ઉપસ્થિતિમાં નાનાપોંઢા સર્કલ ખાતે ભગવાન બિરસા મુંડાની પ્રતિમાની સાફ-સફાઈ કરી સ્વચ્છતા અભિયાન હાથ ધરવામાં આવ્યું હતું.

આ પ્રસંગે ધારાસભ્ય જીતુભાઇ ચૌધરીઍ ભગવાન બિરસા મુંડાના વિચારો અને આદર્શોને જીવનમાં ઉતારી સ્વચ્છ, જાગૃત અને સંગઠિત સમાજના નિર્માણમાં સહભાગી બનીઍ ઍવું આહવાન કર્યું હતું.

આ અભિયાન દ્વારા મહાન જનનાયક ભગવાન બિરસા મુંડાજીના જીવનમૂલ્યો, સંઘર્ષ, બલિદાન અને આદર્શોને યાદ કરી સ્વચ્છતા તથા સામાજિક જવાબદારીનો સંદેશ આપવામાં આવ્યો હતો. આ પ્રસંગે જિલ્લા પંચાયતના સદસ્યો, તાલુકા પંચાયતના સદસ્યો, સરપંચો, વહીવટી તંત્રના અધિકારીઓ, કર્મચારીઓ તેમજ મોટી સંખ્યામાં ગ્રામજનો ઉપસ્થિત રહી અભિયાનમાં સહભાગી બન્યા હતા.