(દમણગંગા ટાઈમ્સ પ્રતિનિધિ)
પારડી, તા. ૧૮ ઃ પવિત્ર શ્રાવણ માસનો પ્રારંભ થતાં જ સમગ્ર પંથકમાં ભક્તિમય માહોલ જોવા મળી રહ્ના છે. શ્રાવણ માસના પ્રથમ સોમવારે પારડી સ્થિત વિવિધ શિવાલયો અને મંદિરોમાં વહેલી સવારથી જ શ્રદ્ધાળુઓની ભારે ભીડ જોવા મળી હતી શ્રદ્ધાળુઓઍ ભગવાન શિવને બીલીપત્ર, પુષ્પ, જળ અને દૂધનો અભિષેક કરી ધન્યતા અનુભવી હતી. આ સાથે જ આજે નાગપંચમીનો પવિત્ર તહેવાર હોવાથી મંદિરોમાં વહેલી સવારથી જ વિશેષ પૂજા-અર્ચના યોજાઈ હતી પારડી તળાવ ની પાળ સ્થિત આવેલ પ્રાચીન વૈજનાથ મહાદેવ મંદિર, ઍકલિંગી મંદિર, અને આસપાસના વિસ્તારના શિવાલયોમાં વહેલી સવારે ૪ વાગ્યાથી જ ભક્તો દર્શનાર્થે લાઇન લગાવીને ઊભા રહી ગયા હતા. ઓમ નમઃ શિવાય અને હર હર મહાદેવ ના પવિત્ર નાદથી શિવાલયો ગુંજી ઉઠ્યા હતા. ભક્તોઍ મહાદેવના ચરણોમાં શીશ નમાવી આશીર્વાદ પ્રા કર્યા હતા શ્રાવણના પ્રથમ સોમવારની સાથે નાગપંચમીની તિથિનો પણ શુભ સંયોગ રચાયો છે. આ પ્રસંગે મહિલાઓ અને બહેનોઍ નાગદેવતાની વિધિવત પૂજા-અર્ચના કરી હતી. બાળકો તથા પરિવાર પર સર્પ ભય ન રહે અને સૌનું કલ્યાણ થાય તે માટે વિશેષ પ્રાર્થના કરવામાં આવી હતી. આ ઉપરાંત, મહિલાઓઍ સુયોગ્ય જીવનસાથી, સુખમય જીવન અને ઉત્તમ તંદુરસ્તીની કામના અર્થે ૧૬ સોમવારનું વ્રત રાખી મહાદેવના આશીર્વાદ મેળવ્યા હતા. મંદિરના પૂજારી ઍ જણવ્યું કે ભગવાનના પૂજા-પાઠ કરીને ભક્તો આશીર્વાદ મેળવી પ્રસન્નતા અનુભવે છે. શ્રાવણના પ્રથમ સોમવારે પારડીના તમામ મંદિરોમાં ભક્તિ, શ્રદ્ધા અને ઉલ્લાસનો ત્રિવેણી સંગમ જોવા મળ્યો હતો.