(દમણગંગા ટાઈમ્સ પ્રતિનિધિ)
દમણ, તા. ૩૧ ઃ રોટરી ક્લબ ઓફ દમણ દ્વારા ગુરુવાર, ૩૦ જુલાઈ, ૨૦૨૬ ના રોજ સવારે ૧૧ વાગ્યે કુંતા સ્કૂલ ખાતે વિદ્યાર્થીઓ માટે નોટબુક વિતરણ કાર્યક્રમનું સફળતાપૂર્વક આયોજન કરવામાં આવ્યું. આ સેવા પ્રોજેક્ટના ભાગ રૂપે, લગભગ ૨૩૫ વિદ્યાર્થીઓને નોટબુકનું વિતરણ કરવામાં આવ્યું, જેનાથી તેઓ નવા શૈક્ષણિક સત્ર માટે અભ્યાસ સામગ્રી મેળવી શક્યા. આ કાર્યક્રમનો ઉદ્દેશ્ય વિદ્યાર્થીઓમાં શિક્ષણમાં રસ કેળવવાનો અને આર્થિક જરૂરિયાતમંદ બાળકોને શૈક્ષણિક સહાય પૂરી પાડવાનો હતો. આ પ્રોજેક્ટનું નેતૃત્વ સાક્ષરતા અધ્યક્ષ રોટરીયન નિમિષા પાઠક દ્વારા કરવામાં આવ્યું હતું. જયપુર રોટરી ક્લબના રોટરીયન અનુરાધા શર્મા ખાસ ઉપસ્થિત રહ્ના હતા અને તેમણે શાળાના બાળકોને ચોકલેટનું વિતરણ કર્યું હતું. ક્લબના ઍક્ઝિક્યુટિવ ડિરેક્ટર અપૂર્વ પાઠક, ફર્સ્ટ લેડી બિંદિયા જોશી, પત્ની અમીષા ઇંટાવાલા અને પ્લાસ્ટ ઇન્ડિયા યુનિવર્સિટીના વિદ્યાર્થીઓ પણ આ કાર્યક્રમ દરમિયાન હાજર રહ્ના હતા અને તેમના સહયોગથી આ કાર્યક્રમ સફળતાપૂર્વક પૂર્ણ થયો હતો. રોટરી ક્લબ ઓફ દમણ શિક્ષણ, આરોગ્ય, પર્યાવરણ અને સમુદાય વિકાસના ક્ષેત્રોમાં સતત સેવા કાર્ય દ્વારા સમાજના વિવિધ વર્ગોમાં સકારાત્મક પરિવર્તન લાવવા માટે પ્રતિબદ્ધ છે.