(દમણગંગા ટાઈમ્સ પ્રતિનિધિ)
દમણ, તા. ૦૧ ઃ કેન્દ્રશાસિત પ્રદેશ દમણ માટે બહુપ્રતિક્ષિત હવાઈ સેવા ટૂંક સમયમાં શરૂ થવાની ધારણા છે. સૂત્રોના જણાવ્યા અનુસાર, દમણના નમો ઍરપોર્ટથી દિલ્હીની ફલાઇટ્સ ૧૬ જુલાઈથી શરૂ થવાની ધારણા છે. જો બધી ઔપચારિકતાઓ સમયસર પૂર્ણ થાય, તો રથયાત્રાના શુભ અવસર પર પ્રથમ ફલાઇટ દિલ્હી માટે રવાના થશે.
દમણના મારવાડ વિસ્તારમાં આવેલા અત્યાધુનિક ઍરપોર્ટ ટર્મિનલનું તાજેતરમાં નરેન્દ્ર મોદી દ્વારા ઉદ્ઘાટન કરવામાં આવ્યું હતું. ત્યારથી, સ્થાનિક નાગરિકો, ઉદ્યોગો અને પ્રવાસીઓમાં હવાઈ સેવાઓ ફરી શરૂ થવા અંગે ભારે ઉત્સાહ જોવા મળી રહ્ના છે.
સૂત્રોના જણાવ્યા અનુસાર, ફલાઇટ માટે ટિકિટ બુકિંગ આગામી ઍક કે બે દિવસમાં શરૂ થવાની ધારણા છે. શરૂઆતમાં, ઍલાયન્સ ઍરની ફલાઇટ્સ સોમવાર અને બુધવારે ઉપલબ્ધ થવાની ધારણા છે. મુસાફરોની સંખ્યા અને માંગના આધારે, ભવિષ્યમાં ફલાઇટ્સની સંખ્યામાં વધારો થઈ શકે છે.
મળતી માહિતી મુજબ, કેન્દ્ર સરકારની ઉડાન યોજના હેઠળ, ભવિષ્યમાં દમણથી અમદાવાદ અને ગોવા સુધીની હવાઈ સેવાઓ પણ શરૂ થવાની શક્યતા છે, જે આ પ્રદેશની પર્યટન અને ઔદ્યોગિક પ્રવૃત્તિઓને નવી ગતિ આપશે.
ઓનલાઈન ટિકિટ બુકિંગ માટે દમણ ઍરપોર્ટનો કોડ દમણ ફપ્ગ્ છે. જોકે, ઍરલાઈન્સ તરફથી ફલાઇટ શેડ્યૂલ અને કામગીરી અંગે સત્તાવાર જાહેરાતોની રાહ જોવાઈ રહી છે.