વાપી, તા.૧૩ ઃ અત્રે ચણોદ કોલોની સ્થિત કેશવજી ભારમલ સુમેરીયા ઍન્ડ નટરાજ પ્રોફેશનલ સાયન્સીસ કોલેજ, વાપી ખાતે વીર નર્મદ દક્ષિણ ગુજરાત યુનિવર્સિટી, સુરત હેઠળ આંતર-કોલેજરસ્સા ખેંચ (ગર્લ્સ) સ્પર્ધા અને  પસંદગીનું સફળતાપૂર્વક આયોજન કરવામાં આવ્યું હતું.આ કાર્યક્રમમાં સંસ્થાના ટ્રસ્ટી ભારતીબેન સુમેરિયા મુખ્ય મહેમાન તરીકે હાજર રહ્ના હતા અને તેમણે તેમના પ્રેરણાદાયી શબ્દોથી ભાગ લેનારાઓને પ્રોત્સાહિત કર્યા હતાં. યુનિવર્સિટીસંલગ્ન વિવિધ કોલેજોની ટીમોઍ સ્પર્ધામાં ઉત્સાહપૂર્વક ભાગ લીધો હતો. ઉત્તેજક અને સ્પર્ધાત્મક રાઉન્ડ પછી, શાહ ઍન.ઍચ. કોમર્સ કોલેજ, વલસાડ ચેમ્પિયન તરીકે ઉભરી આવી હતી. જ્યારે ઍસ.વી. પટેલ કોલેજ, બીલીમોરા રનર્સ-અપ પોઝિશન મેળવી હતી. આ સ્પર્ધા બાદ દરેક ખેલાડી મિત્રોમાંથી ઉત્કૃષ્ટ  દેખાવ કરનાર ૧૦ ખેલાડીઓની પસંદગી કરવામાં આવી હતી. જેઓકાલીકટ યુનિવર્સીટી, કેરલા ખાતે આંતર યુનિવર્સીટી સ્પર્ધામાં ભાગ લઇ વીર નર્મદ દક્ષિણ ગુજરાત યુનિવર્સિટી, સુરતનું પ્રતિનિધિત્વ કરશે. સમગ્ર સ્પર્ધાનું કાર્યક્ષમ આયોજન અને સંચાલન કોલેજની રમતગમત સમિતિ સાથે શારીરિક શિક્ષણના સહાયક પ્રોફેસર ડો. મયુર પટેલ દ્વારા કરવામાં આવ્યું હતું. આ કાર્યક્રમમાં ભાગ લેનારા વિદ્યાર્થીઓમાં ઉત્તમ રમતગમત, ટીમવર્ક અને ઉત્સાહ જોવા મળ્યો હતો. આ પ્રસંગે, કોલેજના આચાર્ય ડૉ. પૂનમ બી. ચૌહાણે તમામ ભાગ લેનાર ટીમો, વિજેતાઓ તેમજ પસંદગી પામેલાઓને તેમના ઉત્કૃષ્ટ પ્રદર્શન બદલ અભિનંદન પાઠવ્યા હતાં.