(દમણગંગા ટાઇમ્સ પ્રતિનિધિ)

દમણ, તા. ૨૪ ઃ દમણ અને દીવ લોકસભાના સાંસદ ઉમેશ બાબુભાઈ પટેલે મંગળવારે જિલ્લા સલાહકાર સમિતિ અને જિલ્લા સ્તરીય સમીક્ષા સમિતિની ત્રિમાસિક સમીક્ષા બેઠકમાં સક્રિય ભાગ લીધો હતો અને વિવિધ જાહેર કલ્યાણ અને બેંકિંગ યોજનાઓની પ્રગતિ પર ગંભીર પ્રશ્નો ઉઠાવ્યા હતા.

આ બેઠક મોટી દમણ સ્થિત કલેક્ટર કચેરી કોન્ફરન્સ હોલ ખાતે યોજાઈ હતી, જેમાં ડિસેમ્બર ૨૦૨૫ ના રોજ પૂરા થતા ત્રિમાસિક ગાળાની સિદ્ધિઓ અને બાકી કેસોની સમીક્ષા કરવામાં આવી હતી. બેઠક દરમિયાન, સાંસદ પટેલે સરકારી યોજનાઓના અમલીકરણમાં ધીમી પ્રગતિ પર ઊંડી ચિંતા વ્યક્ત કરી. તેમણે બેંકોને તેમની સામાજિક અને વહીવટી જવાબદારીઓની યાદ અપાવી અને યોજનાઓના અસરકારક અમલીકરણની જરૂરિયાત પર ભાર મૂક્યો.

કિસાન ક્રેડિટ કાર્ડની ધીમી પ્રગતિ અંગે ચિંતા, શિક્ષણ લોનમાં વિલંબ અંગે ગુસ્સા,ે સ્વ-સહાય જૂથોના બેંક જોડાણ પર ભાર મુકવામાં આવ્યો હતો. બેઠક દરમિયાન જાહેર હિતના અન્ય મુદ્દાઓ પર પણ વિગતવાર ચર્ચા કરવામાં આવી હતી. સાંસદે અધિકારીઓ અને બેંક પ્રતિનિધિઓને યોજનાઓના અસરકારક અમલીકરણ અને પારદર્શિતા જાળવવા સૂચના આપી હતી. ભારતીય રિઝર્વ બેંકની માર્ગદર્શિકા અનુસાર ૪૫ દિવસની અંદર બીજી સમીક્ષા બેઠક યોજવા માટે પણ સંમતિ આપવામાં આવી હતી. લીડ ડિસ્ટ્રિક્ટ મેનેજર અભિક કુમાર સાહાઍ મીટિંગના સફળ આયોજન વિશે માહિતી આપતાં સાંસદની સક્રિય ભાગીદારીને પ્રેરણાદાયી ગણાવી.