(દમણગંગા ટાઈમ્સ પ્રતિનિધિ) 

સેલવાસ, તા. ૦૪ ઃ દાદરા અને નગર હવેલી યોજના અને વિકાસ વિભાગ (ઝ઼ફણ્ભ્ઝ઼ખ્) ઍ નોંધ્યું છે કે વિવિધ પંચાયત વિસ્તારોમાં વિભાગ ની પૂર્વ મંજૂરી લીધા વિના ગેરકાયદેસર બાંધકામોમાં નોંધપાત્ર વધારો થયો છે. તેમાં ખાસ કરીને કામચલાઉ શેડ (પતરા અને બાંબુ શેડ), વ્યાવસાયિક કેબિન, છત પર કરવામાં આવેલા વિસ્તરણો તથા રસ્તા કિનારે અસ્થાયી સંગ્રહ માળખાંનો સમાવેશ થાય છે.

આ પ્રકારના ગેરકાયદેસર બાંધકામો દાદરા અને નગર હવેલી જિલ્લાના સામાન્ય વિકાસ નિયમો (ઞ્ઝ઼ય્, ૨૦૨૩)નું ઉલ્લંઘન કરે છે, જે દાદરા અને નગર હવેલી તથા દમણ અને દીવ નગર અને ગ્રામ આયોજન અધિનિયમ, ૧૯૭૪ (સમયાંતરે સુધારિત)ની કલમ ૩૦, ૧૪૦(ળ્) અને ૧૪૧ હેઠળ ધડવામાં આવ્યા છે.

તેથી તમામ મિલકત માલિકો, વ્યાવસાયિક સંસ્થાઓ અને કબજેદારોને સૂચના આપવામાં આવે છે કે તેઓ કોઇપણ પ્રકારના બાંધકામ કાર્ય શરૂ કરતા પહેલાં વિભાગ ની પૂર્વ મંજૂરી મેળવવી ફરજિયાત છે. નિષ્ફળ થવા પર વિભાગ દ્વારા ગેરકાયદેસર બાંધકામ સીલ કરવાની તથા તોડવાની કાર્યવાહી હાથ ધરવામાં આવશે.