(દમણગંગા ટાઈમ્સ પ્રતિનિધિ)

દમણ, તા.૦૩ ઃ આંતરરાષ્ટ્રીય પર્યટન સ્થળો વિશે વિગતવાર માહિતી આપવાના ઉદ્દેશ્યથી, દમણ-દીવની વિદ્યાર્થી અન્યા દિનેશ વાજા દ્વારા લખાયેલ પુસ્તક ઁવાન્ડર ઍન્ડ યુ વિલ ફાઇન્ડ યોરસેલ્ફઁનું આજે દમણમાં આયોજિત ઍક કાર્યક્રમમાં વિમોચન કરવામાં આવ્યું. આ પ્રસંગે દમણ બાલ ભવનના ભૂતપૂર્વ ડિરેક્ટર હેમાક્ષી જોશી, પોલીસ ઇન્સ્પેક્ટર સેબેસ્ટિયન દેવાસિયા અને દમણ શિક્ષણ વિભાગના જિલ્લા પ્રોજેક્ટ અધિકારી સ્મિતા થોમસે સંયુક્ત રીતે પુસ્તકનું અનાવરણ કર્યું અને તેને વાચકો માટે બજારમાં ઉપલબ્ધ કરાવ્યું.

દિનેશ વાજા અને હેતલબેન ડી. વાજાની પુત્રી અન્યા ડી. વાજા દ્વારા લખાયેલ, આ પુસ્તક ઍશિયા અને યુરોપના મુખ્ય અને પ્રખ્યાત પર્યટન સ્થળો પર કેન્દ્રિત છે. આ પુસ્તકમાં વિવિધ દેશોના લોકપ્રિય સ્થળો, તેમની સંસ્કૃતિ, પ્રવાસના અનુભવો અને સ્થળાંતર વિશે મહત્વપૂર્ણ માહિતી સંકલિત કરવામાં આવી છે. કોલેજના પ્રથમ વર્ષની વિદ્યાર્થી અન્યાઍ આ પુસ્તક વાચકો અને પ્રવાસીઓને માત્ર પર્યટન સ્થળો વિશે જ માહિતી આપવા માટે નહીં પરંતુ તે સ્થળોની સાંસ્કૃતિક વિવિધતાને સમજવાની તક પૂરી પાડવા માટે ડિઝાઇન કર્યું છે.