(દમણગંગા ટાઈમ્સ પ્રતિનિધિ)

દમણ, તા. ૨૩ ઃ દાદરા અને નગર હવેલી અને દમણ અને દીવના પ્રશાસક પ્રફુલ પટેલે સચિવાલયમાં ચાલી રહેલા વિકાસ કાર્યનું નિરીક્ષણ કર્યું હતું. નિરીક્ષણ દરમિયાન, તેમણે બાંધકામ કાર્યની પ્રગતિની સમીક્ષા કરી અને સંબંધિત અધિકારીઓ અને કોન્ટ્રાક્ટરો પાસેથી વિગતવાર માહિતી મેળવી. પ્રશાસકે ગુણવત્તા, સલામતીના ધોરણો અને સમયસર કામ પૂર્ણ કરવા પર ખાસ ભાર મૂક્યો, અધિકારીઓ અને કોન્ટ્રાક્ટરોને સ્પષ્ટપણે નિર્દેશ આપ્યો કે તમામ કામ નિર્ધારિત સમયમર્યાદામાં ઉચ્ચ ગુણવત્તા સાથે પૂર્ણ કરવામાં આવે. તેમણે જણાવ્યું કે કોઈપણ સ્તરે ગુણવત્તા સાથે બેદરકારી કે સમાધાન સહન કરવામાં આવશે નહીં. નિરીક્ષણ દરમિયાન, તેમણે જરૂરી સુધારાઓ અંગે સૂચનો પણ આપ્યા અને પ્રોજેક્ટને ઝડપથી પૂર્ણ કરવા માટે સંકલનમાં કામ કરવા નિર્દેશ આપ્યો હતો. આ પ્રસંગે સંબંધિત વિભાગોના વરિષ્ઠ અધિકારીઓ અને અમલીકરણ ઍજન્સીઓના પ્રતિનિધિઓ હાજર રહ્ના હતા.