વલસાડ, તા. ૨૯ ઃ વલસાડ જિલ્લા રોજગાર વિનિયમ કચેરી દ્વારા ઔદ્યોગિક ઍકમોને તેમની જરૂરીયાત મુજબની ખાલી જગ્યાઓ સામે કુશળ/અકુશળ માનવબળ મળી રહે તેમજ રોજગારવાચ્છું ઉમેદવારોને તેમની લાયકાત અનુસાર પસંદગીની જગ્યાઍ રોજગારી મળી રહે તેવા હેતુથી જિલ્લા કક્ષાના મેગા જોબફેરનું આજે તા. ૧ માર્ચ ૨૦૨૪ના રોજ સવારે ૧૦ કલાકે વાપીના વી.આઈ.ઍ. હોલ ખાતે આયોજન કરવામાં આવ્યું છે. જેમાં મુખ્ય મહેમાન તરીકે વલસાડ અને ડાંગના સાંસદ ડો. કે.સી.પટેલ વિશેષ ઉપસ્થિત રહેશે. બેરોજગાર યુવાવર્ગને મોટી સંખ્યામાં આ મેગા જોબ ફેરનો લાભ લેવા રોજગાર અધિકારી (જન) દ્વારા અખબારી યાદીમાં જણાવાયું છે.
