(દમણગંગા ટાઈમ્સ પ્રતિનિધિ) સેલવાસ, તા. ૧૫ ઃ દાનહના ઔદ્યોગિક વિસ્તારમાં સ્ટીલ સ્મેલ્ટિંગ અને પ્રદૂષિત ઉદ્યોગોને કારણે ખડોલી જિલ્લાનો સૌથી પ્રદૂષિત વિસ્તાર બની ગયો છે. ઉદ્યોગોના સતત પ્રદૂષણને કારણે અહીંની હવા ઝેરી બની ગઈ છે. આ વિસ્તારમાં લાલ કેટેગરીના ઉદ્યોગોની જાળી વણાયેલી છે. અહીંના ઉદ્યોગો હવામાં કાળો ધુમાડો, કાર્બન ડાયોક્સાઇડ, કાર્બન મોનોક્સાઇડ અને ગૂંગળામણના વાયુઓનું ઉત્સર્જન કરવાથી બચતા નથી. સ્થાનિક રહેવાસીઓનું કહેવું છે કે સ્ટીલ પ્લાન્ટ દ્વારા પ્રદૂષણ નિયંત્રણના નિયમોનો ભંગ કરવામાં આવે છે. ઉદ્યોગોમાં લોખંડ પીગળવાની ભઠ્ઠી સળગી રહી છે ત્યારે કંપનીમાં પ્રદૂષણ નિયંત્રણ મશીનો (ચીમની) બંધ રહે છે, જેના કારણે ભઠ્ઠીમાંથી નીકળતો કાળો ધુમાડો સીધો જ પર્યાવરણને ઝેરી બનાવી રહ્ના છે. અહીં ઍક ડઝન સ્ટીલ પ્લાન્ટ છે, પરંતુ પ્રદૂષણના નિયમોનું કોઈ પાલન કરતું નથી. ગ્રામજનોઍ જણાવ્યું હતું કે, પ્રદૂષણ ફેલાવતા ઉદ્યોગો દિવસ દરમિયાન બંધ રહે છે અને રાત્રે ચાલે છે, જેથી પ્રદૂષણ જાણી શકાય નહીં. ખડોલીના ઍકમો સાતમાળીયાથી ૧૦૦ મીટરના અંતરે આવેલા છે. આ કંપનીઓમાંથી નીકળતા ઝેરી વાયુઓ સાતમાળીયા અભયારણ્ય માટે ખતરો બની રહ્ના છે. સાતમાળીયા ઍ હરણનું અભયારણ્ય છે, જેમાં ૪૦૦ થી વધુ સંવેદનશીલ વન્ય પ્રાણીઓ છે. પ્રદુષણ ફેલાવતા ઉદ્યોગો સામે કાર્યવાહી કરવામાં વન્યજીવ અધિકારીઓ પણ મૌન છે. આ ઉદ્યોગોમાં ખ્ભ્ઘ્ (વાયુ પ્રદૂષણ નિયંત્રણ) સિસ્ટમ નથી. ખ્ભ્ઘ્ સિસ્ટમથી પ્રદૂષણ પર ઓટોમેટિક મીટર દ્વારા સીધું જ નજર રાખી શકાય છે. આ વર્ષે પીસીસીઍ ૧૧ ઇન્ગોટ કંપનીઓની ઓળખ કરી છે જે ગંભીર વાયુ પ્રદૂષણનું કારણ બને છે. ગ્રામજનોનો આરોપ છે કે પ્રદૂષણ ફેલાવતી કંપનીઓ રાજકારણીઓ અને પ્રદૂષણ નિયંત્રણ સમિતિ (પીસીસી)ના અધિકારીઓના ખિસ્સા ભરે છે. જેના કારણે પીસીસીના અધિકારીઓ સ્થળનું નિરીક્ષણ પણ કરતા નથી. ગામના બુધિયાભાઈ, સોજાની વારલી, સુનિલભાઈ કહે છે કે અમે પીસીસીમાં ફરિયાદ કરીને થાકી ગયા છીઍ. તેમણે જણાવ્યું કે ૮૦ના દાયકામાં ખડોલી ગામ હરિયાળીના ચાદરમાં લપેટાયેલું હતું. તે સમયે શુદ્ધ વાતાવરણને કારણે ગામમાં કોઈ રોગ ન હતો. ૧૯૯૦ પછી, ઍક પ્રદૂષિત ઔદ્યોગિક ઍકમ ગામમાં સ્થાયી થયું અને વનસ્પતિનો નાશ કર્યો. પ્રદૂષણના કારણે લોકો અસ્થમા, વિકલાંગતા, હૃદય અને કિડનીના રોગોનો ભોગ બની રહ્ના છે. આ વિસ્તારમાં પ્રદુષણને કારણે વનસ્પતિ મરી રહી છે. ખેતરોમાં ઉત્પાદન ઘટ્યું છે. ખેતીલાયક જમીન પણ બંજર બની છે. ગામડાના ખેડૂતો ખેતી છોડીને ઉદ્યોગોમાં કામ કરવા લાગ્યા છે.
