(દમણગંગા ટાઇમ્સ પ્રતિનિધિ) સેલવાસ,તા.૬ઃ શ્રીમતી દેવકીબા મોહનસિંહજી ચૌહાણ કોલેજ ઓફ કોમર્સ ઍન્ડ સાયન્સ ખાતે ૨૯ જાન્યુઆરીથી ૩ ફેબ્રુઆરી ૨૦૨૪ દરમિયાન સંસ્કૃતિ - કોલેજ ડેઝ ઍન્ડ સ્પોર્ટ્સ મીટનું સફળતાપૂર્વક આયોજન કરવામાં આવ્યું હતું. આ દરમિયાન વિવિધ રમતગમતની સ્પર્ધાઓનું આયોજન કરવામાં આવ્યું હતું જેમાં વિદ્યાર્થીઓઍ ઉત્સાહભેર ભાગ લીધો હતો. પુરૂષો અને મહિલા બંને કેટેગરીમાં ઘણી સ્પર્ધાઓનું આયોજન કરવામાં આવ્યું હતું. જેમાં ટેબલ ટેનિસ, બેડમિન્ટન, ચેસ, કેરમ, વોલીબોલ, ખો-ખો, કબડ્ડી અને ફૂટબોલ જેવી રમતોનો સમાવેશ થાય છે. કોલેજના રમતગમત વિભાગ અને આઈક્યુઍસી (ઈન્ટર્નલ ક્વોલિટી ઍસેસમેન્ટ સેલ)ના સહયોગથી સ્પોર્ટ્સ ઈવેન્ટનું સફળતાપૂર્વક આયોજન કરવામાં આવ્યું હતું. આ સ્પર્ધાનું ઉદ્ઘાટન ઈન્ચાર્જ પ્રિન્સિપાલ ડો.સીમા પિલ્લાઈ દ્વારા કરવામાં આવ્યું હતું. તમામ રમત ગમત સ્પર્ધાઓ કોલેજના રમત ગમત અધિકારી નીલ તંબોલીના માર્ગદર્શન હેઠળ યોજવામાં આવી હતી. આ રમત-ગમત સ્પર્ધામાં વિદ્યાર્થીઓઍ ઉત્સાહ અને સ્પર્ધામાં ભાગ લીધો હતો અને તેમના જ્ઞાન અને કૌશલ્યનું પ્રદર્શન કર્યું હતું. સાહનું સમાપન વિવિધ સાંસ્કૃતિક કાર્યક્રમો સાથે થયું હતું. ઈવેન્ટના અંતે, વિજેતા સ્પર્ધકોને ઈનામ આપવામાં આવ્યા હતા અને તમામ ખેલાડીઓને તેમની પ્રતિભા અને હિંમત માટે અભિનંદન આપવામાં આવ્યા હતા. લાયન્સ ક્લબ ઓફ સિલવાસા ચેરીટેબલ ટ્રસ્ટના ચેરમેન ફતેહસિંહ ચૌહાણે જણાવ્યું હતું કે વ્યક્તિના વ્યક્તિત્વ ઘડતરમાં રમતગમત મહત્વનો ભાગ ભજવે છે. રમતગમતને અભ્યાસેતર અથવા મનોરંજક પ્રવૃત્તિઓ તરીકે જોવી જોઈઍ નહીં કારણ કે તે તેનાથી ઘણી વધારે છે. રમતગમત ઍ માત્ર મનોરંજનનું સાધન નથી પરંતુ તે ખેલાડીને ઘણી વસ્તુઓ શીખવે છે જે તેને જીવનમાં વધુ સારી વ્યક્તિ બનવામાં મદદ કરે છે.
