(દમણગંગા ટાઈમ્સ પ્રતિનિધિ)

વાપી, તા. ૦૯ ઃ વાપી- સેલવાસ રોડ ઉપર છેલ્લા ત્રણ કલાકથી ભારે ટ્રાફિકજામની સમસ્યા તેમજ વહનોની ઍકથી બે કિલોમીટર લાંબી લાઈનો લાગી જવા પામી હતી રાહદારી તેમજ વાહન ચાલકો પરેશાન બન્યા છે.

પ્રા વિગત મુજબ આજે વાપી- સેલવાસ રોડ ઍટલે કે વાપી જીઆઇડીસી ચાર રસ્તાથી ડુંગરા દાદરા ચેકપોસ્ટ સુધીના મુખ્ય માર્ગ ઉપર સાંજે ૫ થી રાત્રે ૮ઃ૩૦ કલાક સુધીના સમય દરમિયાન ભારે ટ્રાફિકની સમસ્યા ઊભી થવા પામી છે. જોકે આ માર્ગ ઉપર કોઈ અકસ્માત કે માર્ગ રીપેરીંગનું કામ પણ ચાલતું ન હોવા છતાં ટ્રાફિક હોવાનું મુખ્ય કારણ અહીં ન કોઈ ટ્રાફિક પોલીસ કે સ્થાનિક પોલીસ પણ ન હોવાને કારણે ટ્રાફિકની સમસ્યા સર્જાઇ હોવાનું જણાઈ રહ્નાં છે. જોકે ખાસ કરીને ડુંગરાથી દાદરા સુધીના માર્ગ ઉપર લગભગ ૧ થી ૨ કીમી લાંબી વાહનોની લાઈન લાગી જવા પામી છે. જેને લઇ આ માર્ગ ઉપરથી પસાર થતાં રાહદારીઓ અને વાહન ચાલકો તેમજ સ્થાનિક લોકો મુશ્કેલીમાં મુકાયા છે અને ત્રાહિમામ પોકારતા થયા છે. આ અંગે વાપી વિભાગના જવાબદાર ટ્રાફિક પોલીસ તેમજ સ્થાનિક પોલીસ દ્વારા તાત્કાલિક વાપી- સેલવાસ રોડ ઉપર સાંજે ૫ઃ૦૦ થી રાત્રે ૯ કલાક દરમિયાન જવાબદાર ટ્રાફિક પોલીસ ની ટીમ રાખી ટ્રાફિકની સમસ્યાથી વાપીવાસીઓને પડતી મુશ્કેલીઓ દૂર કરે તે જરૂરી છે.