(દમણગંગા ટાઈમ્સ પ્રતિનિધિ)

સેલવાસ, તા.૨૯ ઃ દાદરા નગર હવેલી ત્ર્ફુસ્ત્ર્શાસનના જિલ્લા ચૂંટણી કચેરી દ્વારા ઍસ.આઈ.આર. (સ્પેશિયલ ઇન્ટેન્સિવ રિવિઝન) કાર્યક્રમ-૨૦૨૬ સંદર્ભે જિલ્લા સચિવાલય, સિલવાસાના સભાખંડ ખાતે રાજકીય પક્ષોના પ્રતિનિધિઓ તથા મીડિયા પ્રતિનિધિઓ સાથે મહત્વપૂર્ણ બેઠક યોજાઈ હતી. બેઠકની અધ્યક્ષતા નિવાસી ઉપ સમાહર્તા અમિત કુમારે કરી હતી।

બેઠક દરમિયાન અમિત કુમારે ઉપસ્થિત પ્રતિનિધિઓને ઍસ.આઈ.આર. કાર્યક્રમની પ્રક્રિયા, હેતુ અને સમયમર્યાદા અંગે વિગતવાર માહિતી આપી હતી. તેમણે જણાવ્યું હતું કે મતદાર યાદીને વધુ શુદ્ધ, અપડેટેડ અને ભૂલમુક્ત બનાવવા માટે આ વિશેષ અભિયાન હાથ ધરવામાં આવ્યું છે। આ અભિયાન અંતર્ગત તમામ પાત્ર નાગરિકોના નામ મતદાર યાદીમાં સમાવિષ્ટ થાય તે માટે ખાસ પ્રયાસ કરવામાં આવશે। તેમણે રાજકીય પક્ષો અને મીડિયા પ્રતિનિધિઓને ચૂંટણી પ્રક્રિયાને પારદર્શક અને સફળ બનાવવા સહકાર આપવા અપીલ કરી હતી. બેઠકમાં આસિસ્ટન્ટ ઇલેક્ટોરલ રજિસ્ટ્રેશન ઓફિસર રાજેન્દ્ર રાઠોડે જણાવ્યું હતું કે ઍસ.આઈ.આર. પ્રક્રિયા હેઠળ જિલ્લાના તમામ મતદારોનું વ્યવસ્થિત ચકાસણી કાર્ય હાથ ધરાશે। તેમણે રાજકીય પક્ષોને પોતાના બૂથ લેવલ ઍજન્ટ (ગ્ન્ખ્) ની નિમણૂક કરી મતદાર યાદીના ચકાસણી કાર્યમાં સક્રિય સહયોગ આપવા વિનંતી કરી હતી. મિડિયા પ્રતિનિધિઓને પણ આ અભિયાન અંગેની માહિતી સામાન્ય નાગરિકો સુધી વ્યાપક રીતે પહોંચાડવા અનુરોધ કરવામાં આવ્યો હતો. જેથી વધુમાં વધુ પાત્ર નાગરિકો સમયસર પોતાના નામ મતદાર યાદીમાં ઉમેરાવી શકે તથા જરૂરી સુધારાઓ કરાવી શકે। બેઠક દરમિયાન નોડલ ઓફિસર (ઍસ.આઈ.આર.) ડૉ. અનિતા કુમારે પણ કાર્યક્રમની પ્રક્રિયા સરળ ભાષામાં સમજાવી હતી। ઉપસ્થિત પ્રતિનિધિઓ દ્વારા પૂછાયેલા પ્રશ્નોના જવાબ ઍસ.આઈ.આર. ટીમ દ્વારા આપવામાં આવ્યા હતા તેમજ વિડિયો પ્રેઝન્ટેશન દ્વારા સમગ્ર પ્રક્રિયાની માહિતી આપવામાં આવી હતી. અંતમાં આસિસ્ટન્ટ ઇલેક્ટોરલ રજિસ્ટ્રેશન ઓફિસર રાજેન્દ્ર રાઠોડે તમામ રાજકીય પક્ષો અને મીડિયા પ્રતિનિધિઓનો આભાર વ્યક્ત કર્યો હતો.