‘(દમણગંગા ટાઈમ્સ પ્રતિનિધિ)

સેલવાસ, તા. ૨૧ ઃ સોશિયલ મીડિયા પર વાયરલ થયેલા ઍક વીડિયોઍ ફરી ઍકવાર સિલ્વાસાને ચર્ચાના કેન્દ્રમાં લાવી દીધું છે. વીડિયોમાં ગુજરાત પોલીસ દ્વારા દારૂથી ભરેલા ઍક ઓટો રિક્ષાને ઝડપી પાડવામાં આવ્યો હોવાનું જોવા મળે છે. માહિતી મુજબ ઓટોના ડ્રાઈવર સીટની નીચે અને પાછળના ભાગમાં ખાસ રીતે દારૂ છુપાવવામાં આવ્યો હતો. વીડિયો વાયરલ થયા બાદ સોશિયલ મીડિયા પર અનેક લોકોઍ આ ઓટોને વ્યંગાત્મક રીતે મોબાઇલ લિકર કેરિયર તરીકે સંબોધ્યો હતો.

આ ઘટનાઍ હવે માત્ર ઍક વાહન ઝડપાવાની ઘટના કરતાં પણ મોટા પ્રશ્નો ઉભા કર્યા છે. સિલ્વાસાથી પડોશી રાજ્યો તરફ ચાલતી હોવાની ચર્ચાવાળી દારૂ સપ્લાય ચેઇન ફરી ચર્ચામાં આવી છે. જોકે ગુજરાત પોલીસ સતત કાર્યવાહી કરી રહી છે અને દારૂની ગેરકાયદેસર હેરાફેરી સામે પગલાં લઈ રહી છે, છતાં સ્થાનિક લોકોનું માનવું છે કે માત્ર સરહદ પરની કાર્યવાહી પૂરતી નથી. લોકો સિલ્વાસા ઍક્સાઈઝ વિભાગ, સ્થાનિક પોલીસ અને ગુજરાત પોલીસ વચ્ચે વધુ સંયુક્ત કામગીરી અને મોનિટરિંગની માંગ કરી રહ્ના છે.

સ્થાનિક સ્તરે ઍવી પણ ચર્ચા છે કે કેટલાક હોટેલ અને બાર જરૂરિયાત કરતાં વધુ માત્રામાં દારૂ મંગાવે છે. આક્ષેપ છે કે વધારાનો સ્ટોક કથિત રીતે બૂટલેગર નેટવર્ક મારફતે ગુજરાત તરફ મોકલવામાં આવે છે. નાના વાહનો અને ઓટો રિક્ષાનો ઉપયોગ થતો હોવાની ચર્ચા પણ થઈ રહી છે.આ મુદ્દે રાજકીય ચર્ચાઓ પણ તેજ બની છે. સોશિયલ મીડિયા પર કેટલાક લોકો દાવો કરી રહ્ના છે કે દારૂ વ્યવસાય સાથે જોડાયેલા અનેક લોકો હાલ કે ભૂતકાળમાં રાજકીય રીતે સંકળાયેલા રહ્ના છે. જોકે આવા દાવાઓની કોઈ સત્તાવાર પુષ્ટિ થઈ નથી.

વાયરલ વીડિયોઍ ફરી ઍકવાર સિલ્વાસાથી જોડાયેલા દારૂ પરિવહનના મુદ્દાને જાહેર ચર્ચાનો વિષય બનાવી દીધો છે.